woinem.de beim Saukopftunnelfest am 5.12.99

	Was en Haufe Leit kumme sinn zum Tunnelfeschd. Wonn die frieher kumme wern zum grawe helfe, werrer wadschoins frieher fertisch worn.
Unn die Feierwehr hod alles im Griff ghabt. Schunn die gonz Zeid. Was der do seht is a nua en klone Ausschnitt vun dere Rettungsarmada.
	Ordnunghiedder un Helfer iwwerall. Do konn jo net viel bassian.
Musigg von de Tunnel Horns alias Stadtkapell Woinem.
	Shot ned jedem gfalle. Der do wolld watschoins die Leitung zu de Boxe kappe. Awwe die wan vun Nadur aus so laud.
Do sed er des Woinemer Grundnohrungsmiddel Zwernsworschd. Des mit dem Grille hawwe se uff de Woinemer Seid noch ned so raus (Omerkung: woinem.de wa nua uff de Woinemer Seid - schlimm genung, dass die Beikener jetzad noch schnella in Woinem sinn). Awwer Ihr kennt die Zwernsworschd jetzad a im Indaned bschdelle. Unn dehom grille, wennder koni mei griggt hebt.
	Der do had a koni mei gegriggt.
Unn die klenne wisse noch ned, dass se koni grigge.
	Wonn de Gliewoi jetzad a noch ausgeht, haww isch so oda so de Hud uff.
So Schulderwärma hedd ma als brauche kenne, swar nemmlisch gonz schee kald.
	Des is de Herr Heckmann, der hod des alles erkläd, mit dem Tunnel und so. Un mit demm Subbatunnelbrod vunn de Bäckerei Fischer. Do is nemmlisch en Loch drin. Unn er hot gsacht, daß mer des subba mit Lewwerworschd un Schwartemache esse konn. Vun demm Zeig wa awwer nix do. Godd sei donk konn mer des jetzad im Indaned bschdelle - do gugge.
Mit derre Eisebohn (ko Ongsch Ihr Leid, swerd kon Eisebohntunnel) wollde se donn dorsch de Tunnel zische.
	Awwer Hald !!! Ohne unsern Monn mit de griene Kell un dem rode Hut gede mol ganix. Noch onere klone Osproch hod er donn die Bohn freigewwe.
Un en Haufe Oldtimer hinnerher. Die Karre do wan all mitenonner fabriknei, alse ogfonge hawwe den Tunnel zu plone.
	Sgab widda mol en Haufe Leid, die wu in die Indanedkomera gugge wollde. Die zwee, wu er do sehd hawwe Verwondte in Malaysia gegrießt. Hat a funktionierd. Swa allerdings schunn schbeed in Malaysia, so neine owends. Des mit derre Zeidverschiewung üwwerwinde mer awwer a noch mit Hilfe des Indaneds. Irgendwonn.
Ä Generation hods gedauad mit dem Tunnel. Viellaischd brache mer jo ball en vierspurische Tunnel. Donn mißt die Klee ball ofange ä Birgerinitative zu grinde. Damit se, wonn se 18 iss, net im Stau sted.
	Des is die Generation, der mer den Tunnel zu verdonke hewwe.
In dem Tunnel züht ös jo wie Höchtsuppe.
	Un ke enne Zwernsworschd -
Obwohl de Nochschub kontinuierlisch ogschleift wurd.
	Un donn kame a noch die Hesse zum Zwernsworschdfresse.
Gonze Zieg voll.
	Awwa manche misse a heem laafe, weil de Zug net pinktlisch kimmt.....
Clever wie mia wan hawwe mer grad uff des Schild gezeigt un denne verzehlt das es Zwernswerschd bloß in Heidelberg gebbe dud.
	Do des sinn die Buwe vunn woinem.de. Die hawwe grad en subba Werbedeal mit de Bäckerei Fischer gemacht. Mia zeige des Brod im Indaned unn grigge dodefier, des Brot, was se rausschneide misse fer des Tunnelloch. Lebenslong. Mahlzeit.